السلام عليكم
اخوكم عبدالعزيز
خلوني احكيلكم كيف كنت وكيف صرت
بداية 2014 كنت العب جيمز يومياً من 12 إلى 13 ساعة تقريبا، وكانت عاداتي سيئة من ناحية أكل ونوم و دراسة. كان عمري 14 سنة وكنت اعاني من الناحية الصحية والنفسية بشكل كبير.
بالنسبة للصحية
كان عندي: قولون عصبي، اعراض سكر، شرخ أسفل الظهر، آلام في المفاصل خصوصا الركب، الآم أسفل الظهر، زيادة في الوزن كنت حرفياً ...وأنا جالس أتألم وانا واقف اتألم من قولون او من شرخ اسفل الظهر والمفاصل
كلام كثير صح؟
انا عارف بس باقي النفسية و مشاكلها
نفسياً كنت تعبان انى عمري 14 واعاني اكثر من اي واحد بعمري او اكبر مني! واهلي اي شى اقولهم يقولولي كله من الجيمز ورددوا علي كثير: انت اذا وصلت 20 سنة راح تلبس نظارة وراح يجيك سكر وضغط لا شك كثير مواقف ثانية أثرت على
وكان ودي اتغير بس كيف كييييييف؟؟؟
كنت صغير وقتها قلت لازم اتعلم كيف اتعلم!
كان في بالي التعلم يعني نفس الدراسة في المدرسة، قلت سهله كان مصدر معلوماتي جرايد او راديو بعدها بديت اغير اشياء بسيطة من عادات اولهم: قطعت مشروبات غازية تماما وبعد سنة قطعت السكر اللى في المشروبات الحاره وفي عام 2016 أخذت خطوة في رمضان
بعد تعلم مدة سنتين قطع عادات سيئة قررت وهذي اهم خطوة صعبة فعلتها في حياتي اني اقلل من الجيمز طبعآ كنت في 2016 العب في بطولات بتدريب مدربين وكلمت المدرب وقلت له عن نيتي في اني اوقف لعب لانه صحتي تدهورت، رد علي بخطر المنافسة وانه بيجي غيري ياخذ مكاني في البطولات اذا تراخيت شوي! قلت له مستحيل يصير! فتركت الجيمز وركزت على صحتي من اكل ومشي يومي مع ايام تسويف متقطعة.
العام اللي بعده في 2017 تحسنت بشكل كبير اختفت آلام الظهر والمفاصل لكن صار الي ماحسبت حسابه وهو انه مكاني في البطولات راح! وكلام مدربي كان في محله وعليها قررت اعتزل البطولات والعب للمتعة فقط.
وبحكم اني استمريت على بدء عادة جديدة من كل شهر رمضان فرمضان 2017 قررت اركز اكثر على الرياضة وحطيت جدول لكامل الشهر يشمل أيام تدريب وأيام راحة.
الإلتزام ماكان سهل وفوت بعض الأيام لكن بنهاية شهر رمضان وش تتوقعون كان شعوري ! كنت فرحان بشكل لايصدق اني قدرت التزم بشكل كبير.. وبعدها بشهرين من الإستمرار على رياضة المشي اليومية اكلني الملل ومجرد فكرة اني بطلع امشي اليوم كانت عبئ ثقيل جدا وفمرة من المرات وانا امشي في الممشى مرت جنبي بنت تركض قلت خليني اسابقها طبعآ هي ماكانت تعرف اني وراها اصلا حاولت اسابق ماقدرت كانت سريعه ولا تتعب! اما انا وزني كان 100 كيلو تقريبا وكنت بطيح على وجهي من الإنهاك فوقفت وقلت لازم انحف اكثر عشان اقدر اسبقها!..
فكرت بالرياضات الي تحرق سعرات اكثر وجا في بالي السيكل/ السباحة / الجري
بعدين فكرت انى ماعندي فلوس اشتري سيكل ولا عندي فلوس ادخل نادي عشان اسبح بس
لحظة!! لحظة!!
اقدر اجري الحين!… قررت اجري
….
مرت سنة 2018
كم كان وزني ماعرف لأنه ماكنت مهتم برقم وزن بس المعيار عندي كان الملابس والمرايه وكان رمضان قريب
وقلت انا تعلمت كثير في التغذية من 4 سنوات اقدر اتخذ قرار انه رمضان هذا راح اكون نباتي ليش نباتي ليش مايكون كيتو او اي نظام ثاني ؟!!
طبعا هذي قصة ثانية بس بالمختصر اختفت جميع الامراض الى فيني الا شئ واحد اللى باقى وهو قولون عصبي(IBS) و آخر خيار لي النظام النباتي اذا مانفع باروح للمستشفى وهو المفروض اروح المستشفى صح ؟
المهم -_-
2018
عندي علم كبير في التغذية و الرياضة
2019
وزني نزل بشكل ملحوظ حتى اهلى كانو يقولو لي ملابسك غير صارت وسيعة عليك بزيادة
بعد سنتين في 2021
شفت وزني اول مرة بعد 2014 صار وزني 70 كيلو
نزل وزني تقريبا اكثر من ثلاثين كيلو!
انجزت سباق ماراثون 42.2 كيلو خلال أقل من 3 ساعات
والحمدالله مافي اي مرض او عرض من الأشياء الي كانت فيني يوم عمري 14
الآن عمري 22 سنة
و بيبدا رمضان ونبدا فيه عادة جديدة.
طبعآ قصة مختصرة بشكل كبير جدآ ماذكرت فيها ايام التسويف و الصراعات الداخلية أني ارجع لعاداتي القديمة..
شئ واحد ابغى اسويه اني اشوف البنت اللى كانت تركض قبل 4 سنين واتسابق معها .